நிர்மலா சீதாராமனுக்கு அமைச்சர் உதயநிதி உரிய விளக்கம் அளித்து வருகிறார் என அமைச்சர் சு. முத்துசாமி பேட்டி

அரசின் திட்டங்கள் எளிய முறையில் மக்களை சென்றடையும் வகையில் மக்களுடன் முதல்வர் திட்ட முகாம்  தமிழகம் முழுவதும் நடைபெற்று வருகிறது. அதன்படி, ஈரோடு மாநகராட்சி 1ம் மண்டலத்தில் மக்களுடன் முதல்வர் திட்டம் முகாம் நடைபெற்றது. முகாமில் தமிழக வீட்டு வசதி மற்றும் மதுவிலக்கு ஆயத்தீர்வை துறை அமைச்சர் முத்துசாமி கலந்துகொண்டு ஆய்வு செய்ததோடு பரிசீலனை செய்யப்பட்ட விண்ணப்பங்களுக்கு திட்ட உதவிகளை வழங்கினார்.

அதனை தொடர்ந்து செய்தியாளர்களை சந்தித்த அமைச்சர் முத்துசாமி, தமிழக முதல்வர் இந்தியா கூட்டணியின் கலந்தாய்வு கூட்டத்தில் பங்கேற்றதோடு பிரதமரை சந்தித்து தமிழகத்தின் நிலையை கூறி தேசிய பேரிடராக அறிவிக்க வேண்டும், நிதி வழங்கிட வேண்டும் உள்ளிட்ட பல்வேறு கோரிக்கைகளை முன் வைத்திருந்தார்.

பாஜக மாநில தலைவர் அண்ணாமலை அவருக்கு சந்தோஷமான சில விஷயங்களை பேசி குறை கூறி வருகிறார்.

அமைச்சர் உதயநிதி, நிர்மலா சீதாராமன் இடையேயான சர்ச்சைக்குரிய பேச்சு தொடர்பாக பதில் அளித்த அமைச்சர், உதயநிதி ஸ்டாலின் மத்திய அமைச்சருக்கு சரியான முறையில் உரிய விளக்கங்களை அளித்து வருகிறார். இந்த விவகாரத்திற்கு மற்ற அமைச்சர்கள் வேறு மாதிரி சொல்ல வேண்டும் என எதிர்பார்ப்பதை தவிர்க்க வேண்டும் என்றார்.

நிகழ்ச்சியில், ஈரோடு மாநகராட்சி துணை மேயர் செல்வராஜ், ஈரோடு மாநகர செயலாளர் சுப்பிரமணியம், 1ஆம் மண்டல தலைவர் பி.கே பழனிச்சாமி, மாநகராட்சி செயற்பொறியாளர் விஜயகுமார் உள்ளிட்ட பலர் பங்கேற்றனர்.

শেয়ার করুন