ஈரோட்டில் 11 வயது சிறுமியிடம் பாலியல் சீண்டலில் ஈடுபட்ட கடை உரிமையாளர் போக்சோ சட்டத்தில் கைது

ஈரோடு மாநகராட்சிக்கு உட்பட்ட பகுதியை சேர்ந்த அசோகன் (49). இவரால் அந்தப் பகுதியில் செல்லப்பிராணிகளை விற்கும் கடை நடத்தி வருகிறார். இவரது கடைக்கு ஏராளமானோர் வந்து செல்வார்கள். இவரது கடையில் உள்ள மீன், பறவை, நாய் போன்றவற்றை பார்ப்பதற்காக 11 வயது சிறுமி அடிக்கடி வந்து செல்வார். அப்போது அந்த சிறுமியிடம் கடையில் உரிமையாளர் அசோகன் பாலியல் சீண்டலில் ஈடுபட்டுள்ளார். 

தொடர்ந்து பாலியல் ரீதியில் தொல்லை கொடுத்து வந்ததால் அந்த சிறுமி நடந்த சம்பவம் குறித்து தனது பெற்றோரிடம் கூறியுள்ளார். இதைக் கேட்டு அதிர்ச்சி அடைந்து அவரது பெற்றோர் இது குறித்து ஈரோடு அனைத்து மகளிர் போலீஸ் நிலையத்தில் புகார் அளித்தனர். அதன் பேரில் போலீசார் விசாரணை நடத்தியதில் சிறுமிக்கு அசோகன் பாலியல் தொல்லை கொடுத்தது உறுதியானது.

இதனைத் தொடர்ந்து அசோகன் மீது போக்சோ சட்டத்தின் கீழ் வழக்கு பதிவு செய்து அவரை கைது செய்து நீதிமன்றத்தில் ஆஜர்படுத்தி சிறையில் அடைத்தனர்.

শেয়ার করুন