பாஜக ஒருவனை படி என்று சொல்லும்: மற்ற கட்சி போன்று குடி என்று சொல்லாது; அண்ணாமலை

பாஜ., கட்சி ஒருவனை படி என்று சொல்லும். மற்ற கட்சி போன்று குடி என்று சொல்லாது. அதனால்தான் இங்கிலாந்து சென்று படிக்க உள்ளேன் என்று ஈரோட்டில் பாஜக மாநிலத் தலைவர் அண்ணாமலை கூறினார்.

ஈரோட்டில் இன்று (10ம் தேதி) தமிழக பாஜக மாநிலத் தலைவர் அண்ணாமலை செய்தியாளர்களுக்கு பேட்டியளித்தார். அப்போது அவர் கூறியதாவது:- 

போதை பொருட்கள் ஒழிப்பு குறித்து மக்கள் மத்தியில் கொண்டு சேர்க்க வேண்டும். இந்தியா தமிழகத்தின் தொழில் வளர்ச்சி பின்தங்கி உள்ளது. இதற்கு ஜிஎஸ்டி குறியீடு வைத்து எந்த மாநிலம் முன்னேற்றம் அடைந்து வருகிறது என்று கணிக்க முடியும். 2024ம் ஆண்டு காலாண்டு பகுதியில் மகாராஷ்டிரா 15% -12%, கர்நாடக 9%, தமிழ்நாடு 3.3% வளர்ந்து உள்ளது.

நமது வளர்ச்சி மற்றும் மாநிலத்தை விட தமிழகம் பின்தங்கி உள்ளது. திமுக அரசு இதனை கவனிக்க வேண்டும். தமிழ்நாடு ஜிஎஸ்டி மாநில வருவாய் மைனஸ் பாயிண்ட் அடிப்படையில் கீழே சென்று உள்ளது. அப்படி என்றால் தமிழகத்தின் பொருளாதாரம் சீர்குலைவு நோக்கி சென்று கொண்டு உள்ளது.

இதனால் தொழில் முனைவோருக்கு போதுமான வசதிகளை தமிழக அரசு ஏற்படுத்தி தரவேண்டும். மத்திய பிரதேச முதல்வர் வந்த போது நான் நிகழ்ச்சிக்கு செல்லவில்லை. கோவையில் தனியார் ஹோட்டலில் நடைபெற்ற தொழில் உரிமையாளர்களுடன் ஆலோசனை கூட்டம் நடைபெற்றது. தொழில் முனைவோர் எங்கே சலுகை கிடைக்கிறதோ அங்கு செல்வார்கள். அதனால் மத்தியப்பிரதேச முதல்வருடன் நான்கு பேர் ஐஏஎஸ் அதிகாரிகள் வந்தனர்.

ஆனால் இது போன்ற தமிழகத்தில் நடக்கவில்லை. மற்ற மாநிலம் பிரமிப்பு அடையும் வகையில் தமிழகத்தின் நிலை உள்ளது. தமிழகத்தில் இருந்து மற்ற தொழில் முனைவோர் வேறு மாநிலத்திற்கு செல்லாத வகையில் நடவடிக்கை எடுக்க வேண்டும். தொழில் முனைவோர் முதல்வரை நேரில் பார்க்க முடியாமல் அடையாறு பீச் பீச்சாக அழைய விட்டால் எப்படி.

வங்காளதேசத்தில் உள்ள பிரச்சினை பயன்படுத்தி தொழில் முனைவோர் தமிழகத்தை நோக்கி முதல்வர் நடவடிக்கை எடுக்க வேண்டும். மாநிலத்தின் பொருளாதார பெருக்கல் நடவடிக்கை முதல்வர் எடுக்கவில்லை. பாஜக 2026ம் ஆண்டு தேர்தலுக்கு தயாராகி வருகிறது. நாளை முதல் திருப்பூரில் கூட்டம் தொடங்க உள்ளது.

பாஜக கட்சி ஒருவனை படி என்று சொல்லும்; மற்ற கட்சி போன்று குடி என்று சொல்லாது, அதனால்தான் இங்கிலாந்து சென்று படிக்க உள்ளேன். அத்திக்கடவு அவிநாசி திட்டம் கால தாமதமாகி வருகிறது. எத்தனை முறை காலதாமதம் செய்வது. இன்று அமைச்சர் முத்துசாமி தேதி அறிவிக்கட்டும், தேதி முடிவு செய்யட்டும். தேதி அறிவிக்காத நிலையில் அமைச்சர் முத்துசாமி பேச்சை எப்படி நம்புவது, இந்த மாதம் இறுதிக்குள் திட்டம் நடைமுறைக்கு வரும்.

அமைச்சர் முத்துசாமி திட்டம் தொடங்குவதற்கு முதல்வரிடம் அமைச்சர் தேதி வாங்கிவிட்டாரா, நாங்கள் உண்ணாவிரதப் போராட்டம் கைவிட பரிசீலனை செய்ய தயாராக இருக்கிறோம்.

திமுகவில் 40 ஆண்டுகளுக்கு தலைவர் நிரந்தர பொதுச்செயலாளர் போன்று பாஜகவில் கட்சி தலைவர் இல்லாத போதும் மற்றவர்கள் தலைவர் பணிகளை கவனிப்பார்கள். நாளை திருப்பூர் கூட்டத்தில் நாளை மாநிலத்தின் பொறுப்பாளர்கள் உட்பட 1500க்கும் மேற்பட்டோர் பங்கேற்க உள்ளார்கள். பாஜகவின் தற்போதைய கூட்டணி கூட்டணி ஆட்சியை முன்வைத்த தான் கூட்டணி ஆட்சி அமைத்தோம்.

தமிழகத்தில் 70 ஆண்டுகளுக்கு பிறகு பேச்சு எழுந்தது. கூட்டணிக்குள் யார் வந்தாலும் கூட்டணி ஆட்சியில் சந்தேகம் இல்லை. தமிழ்நாட்டின் கூட்டணி ஆட்சி கூட்டணி தர்மமாக பார்க்கப்படுகிறது. திமுக அதிமுக கூட்டணி ஆட்சி என்று சொன்னால் அரசியல் களம் மாறும் 2026ம் ஆண்டு நான்கு போட்டி உள்ளது. எவ்வளவு போட்டி இருக்கிறதோ அப்போது தான் புதியவர்கள் வெற்றி பெற முடியும்.

நல்லவர்களும் 2026ம் ஆண்டு தேர்தலின் போது வரும் 2026ம் ஆண்டு தேர்தலில் மிகப்பெரிய மாற்றம் ஏற்படும். நடிகர் விஜய் அரசியலுக்கு வந்தால் வரவேற்கிறேன். அப்போது தான் மக்களுக்கு யாருக்கு வாக்கு செலுத்த வேண்டும் என்ற வாய்ப்பாக இருக்கும். தமிழக அரசியல் அடியோடு 2026ம் ஆண்டு தேர்தலில் மாறும்.

சந்திரபாபு நாயுடு மாநிலத்தில் தனியாக வெற்றி பெற்றாலும், கூட்டணி கட்சிக்கு அமைச்சர் பதவி கொடுத்து உள்ளார். தமிழிசை சவுந்தரராஜன் அண்ணாமலை, ராதாகிருஷ்ணன் என யாராக இருந்தாலும் 5 வருடத்திற்கு ஒரு முறை வாக்கு சதவிகிதம் உயரவில்லை என்றால் கட்சி எங்காவது தவறு செய்கிறது என்று தான் அர்த்தம். காங்கிரஸ் கட்சி இன்னும் வளரவில்லை.

திமுக அதிமுக கட்சி அண்ணாமலை தவிர மற்ற கட்சிகளை புகழ்ந்து பேசுகிறார்கள். இதனால் என் மூலம் நான் பழைய தலைவர்களுக்கு நல்ல பெயர் பெற்று கொடுத்து உள்ளேன். திமுக அதிமுக கட்சி பாஜக மீதான விமர்சனம் பாஜக வளர்கிறது என்று ஒப்புக்கொள்கிறார்கள்.

மொடக்குறிச்சியில் கேந்திராலாயா பள்ளியில் கொண்டு வர நாங்கள் தாயாராக இருக்கிறோம். ஏன் அனுமதி கொடுக்கவில்லை, மத்திய அரசு கொடுப்பதற்கு தாயாராக இருந்தும் தமிழகத்தில் பள்ளி கட்டிடம் சரியில்லாத காரணத்தினால் நவோதயா பள்ளிக்கு ஏன் அனுமதி கொடுக்கவில்லை. அதே நேரத்தில் காமராஜர் பெயரில் தமிழகத்தில் பள்ளி கொண்டு வர தமிழக அரசு அனுமதி கொடுக்குமா, தமிழகத்தில் பழங்குடியினருக்காக மத்திய அரசு 7 பள்ளி நடத்துகிறது.

ஆகஸ்ட் 19ம் தேதி பிறகு உதயநிதி ஸ்டாலின் துணை முதல்வர் விவகாரத்தில் முதல்வர் பழுக்கவில்லை தந்தையே மகனை ட்ரோல் செய்வதை விட உதயநிதிக்கு அவமானம் தேவையில்லை. தந்தை மகனை ட்ரோன் செய்தால் நாங்கள் என்ன செய்வது. வினேஷ் போகத் எடை அதிகரிப்பு காரணத்திற்கு மோடி தான் காரணம் என திமுக போஸ்டர் ஒட்டப்படுகிறது இதை பார்த்து சிரிப்பதா அழுவதா என்று தெரியவில்லை. தமிழகத்தில் அரசியல் தரம் தாழ்ந்த நடக்கிறது. அறிவுபூர்வமான அரசியல் நடந்தால் தமிழகம் முன்னேற்றம் அடையும்.

இவ்வாறு அவர் கூறினார்.

শেয়ার করুন