கள்ளக்குறிச்சி கள்ளச்சாராய சம்பவ உயிரிழப்பை கண்டித்து சேலம் மாநகராட்சி மாமன்ற கூட்டத்திலிருந்து அதிமுக வெளிநடப்பு.

சேலம்.

S.K. சுரேஷ்பாபு.

கள்ளக்குறிச்சி கள்ளச்சாராய சம்பவ உயிரிழப்பை கண்டித்து சேலம் மாநகராட்சி மாமன்ற கூட்டத்திலிருந்து அதிமுக வெளிநடப்பு. 

சேலம் மாநகராட்சி மாமன்ற இயல்பு கூட்டம் மூன்று மாதங்களுக்கு பிறகு நடைபெற்றது. 

சேலம் மாநகராட்சி மேயர் திரு ராமச்சந்திரன் தலைமையில் நடைபெற்ற இந்த இயல்பு கூட்டத்தில் சேலம் மாநகராட்சி ஆணையாளர் மற்றும் சேலம் மாநகராட்சி துணை மேயர் சாரதா தேவி மாணிக்கம் உள்ளிட்டோர முன்னிலை வகித்தனர்.

தொடர்ந்து நடைபெற்ற கூட்டத்தில் 60 கூட்டங்களை உள்ளடக்கிய சேலம் மாநகராட்சி மன்ற உறுப்பினர்கள் தங்களது கோட்டத்திற்கு உட்பட்ட பல்வேறு பிரச்சனைகளை குறித்து கூட்டத்தில் பேசினர்.

 இதற்கு சேலம் மாநகராட்சி ஆணையாளர் அவர்கள் அதற்கான விளக்கத்தை கொடுத்தார்.

இதனை அடுத்து திமுக கவுன்சிலர்கள் ஒவ்வொருவரும் நாடாளுமன்றத் தேர்தலில் திபுக வெற்றி பெற்றது குறித்து பேசினர்.

இதனால் ஆத்திரமடைந்த அதிமுக மாநகராட்சி எதிர்க்கட்சித் தலைவர் யாதவமூர்த்தி, மாமன்ற உறுப்பினர்கள் மக்கள் பிரச்சனையை பற்றி பேசாமல், திமுக புகழ் பாடும் கூட்டம் எனக் கூறி மாமன்ற கூட்டத்திலிருந்து வெளிநடப்பு செய்தனர். 

இது குறித்து சேலம் மாநகராட்சி எதிர்க்கட்சித் தலைவர் யாதவமூர்த்தி செய்தியாளர்களும் கூறுகையில், கள்ளக்குறிச்சியில் கள்ள சாராயம் அருந்தி ஐம்பதற்கும் மேற்பட்டோர் உயிரிழந்த நிலையில் தமிழகத்தில் திமுக வெற்றி பெற்றதை கொண்டாடி வருவதாக சேலம் மாநகராட்சி எதிர்க்கட்சித் தலைவர் யாதவமூர்த்தி தெரிவித்தார்.

 

Read more

வீ ஏழை ஆதி திராவிடர் மக்களுக்கு இலவச வீட்டு மனை பட்டா அல்லது தமிழக அரசால் கட்டப்பட்டு வரும் அடுக்குமாடி குடியிருப்புகளில் வீடுகளை வழங்க வேண்டும்..

சேலம்.

S.K. சுரேஷ்பாபு. 

சேலத்தில் வசிக்கும் வீடற்ற ஏழை ஆதிதிராவிடர் மக்களுக்கு இலவச வீட்டு மனை பட்டா அல்லது அரசு சார்பில் கட்டப்பட்டுள்ள அடுக்குமாடி கட்டிடங்களில் வீடுகளை வழங்க வேண்டும்.... சேலத்தில் நடைபெற்ற ஜமாபந்தி நிகழ்ச்சியில் தமிழக பாரத ரத்னா டாக்டர் அம்பேத்கர் கட்டிட தொழிலாளர்கள் நலச் சங்கத்தின் சார்பில் மாவட்ட ஆட்சியரிடம் கோரிக்கை மனு. 

தமிழக பாரத ரத்னா டாக்டர் அம்பேத்கர் கட்டிடத் தொழிலாளர்கள் நல சங்கத்தின் தலைவர் ராம்ஜி அவர்கள் அளித்த, அந்த மனுவில், சேலம் வட்டம் அஸ்தம்பட்டி மற்றும் ஜான்சன் நகர் பகுதிகளில் வசித்து வரும் வீழற்ற ஏழை ஆதிதிராவிடர் மக்களுக்கு இலவச வீட்டு மனை பட்டா வழங்க வேண்டும் என்று கூறியதன் அடிப்படையில், சேலம் கொண்டப்ப நாயக்கன்பட்டி பகுதியில் உள்ள தீர்வை ஏற்படாத நிலத்தை நத்தம்  நிலமாக மாற்றி இலவச வீட்டு மனை பட்டா வழங்க கடிதத்தின் படி தகவலை காணும் சேலம் மாவட்ட ஆதிதிராவிடர் நல அலுவலர், தனி வட்டாட்சியர், தனி வருவாய் அலுவலர் ஆகியோர் வீட்டு மனை பட்டா வழங்கலாம் என தெரிவித்துள்ளார்கள். மேற்படி வட்டாட்சியர் அவர்களுக்கு வீட்டுமனை பட்டா வழங்க பரிந்துரை கடிதம் அனுப்பப்பட்டுள்ளனர். 

இதன்படி அப்பொழுது இருந்த சேலம் கொண்டப்ப நாயக்கன்பட்டி கிராம நிர்வாக அலுவலர் வரதராஜன் அவர்கள் பார்வையிட்டு, விசாரணை செய்து வீட்டு மனை பட்டா வழங்கலாம் என இருவரும் பரிந்துரை செய்து, சேலம் வட்டாட்சியர் அவர்களிடம் சமர்ப்பித்தனர். ஆனால் சேலம் வட்டாட்சியர் அலுவலகத்தில், இதன் மீது எந்தவித நடவடிக்கையும் எடுக்கப்படாமல் கடந்த 12 ஆண்டுகளாக காலம் தாழ்த்தி அலை கழித்து வருகின்றன. 

மேலும் கொண்டப்ப நாயக்கன்பட்டி சர்வே எண் தீர்வை ஏற்படாத தரிசு நிலத்தை வசதி படைத்த பெருமாள் மகன் வெங்கடாஜலம் என்பவர் ஆக்கிரமித்து அனுபவித்து வருகிறார். 

மேலும் நிலத்தில் உள்ள ஆக்கிரமிப்பை அகற்றி தீர்வை ஏற்படாத தரிசு நிலத்தை நத்தமாக மாற்றி சேலம் வட்டம் அஸ்தம்பட்டி மற்றும் ஜான்சன் நகர் பகுதிகளில் வசித்து வரும் வீழற்ற ஏழை ஆதி திராவிடர் மக்களுக்கு இலவச வீட்டு மனை பட்டா வழங்க சேலம் வட்டாட்சியர் அவர்களுக்கு பரிந்துரை செய்யுமாறு சேலம் மாவட்ட ஆட்சியர் அவர்களை கேட்டுக்கொள்கிறேன். மேலும் வீடற்றவர்கள் கட்டிடத் தொழில் செய்து வருகின்றனர் என்பது குறிப்பிடத்தக்கது என்று அந்த மனுவில் குறிப்பிடப்பட்டுள்ளது. 

இதனை பெற்றுக் கொண்ட மாவட்ட ஆட்சியர் திருமதி பிருந்தா தேவி மனுவை படித்துப் பார்த்த பிறகு இதற்கு உரிய தீர்வை ஏற்படுத்தி தர வட்டாட்சியருக்கு அறிவுறுத்தினார்.

இதுகுறித்து அந்த அமைப்பின் தலைவர் ராம்ஜி செய்தியாளர்களிடம் கூறுகையில் மனுவில் குறிப்பிட்டுள்ள அடிப்படை ஏற்ப வீடு ஏழை ஆதிதிராவிடர் மக்களுக்கு இடம் வழங்க வேண்டும் அல்லது தமிழக அரசால் கட்டப்பட்டு வரும் அடுக்குமாடி குடியிருப்புகளில் இவர்களுக்கு என்று தனி இடம் வழங்க வேண்டும் என்ற கோரிக்கையையும் எடுத்ததோடு இதற்கு மாவட்ட ஆட்சியர் உரிய நடவடிக்கை எடுப்பார் என்றும் நம்பிக்கை தெரிவித்தார்.

Read more

உங்களை தேடி உங்கள் ஊரில் திட்டத்தில் 2வது நாளாக ஈரோடு ஆட்சியர் ஆய்வு

உங்களைத் தேடி உங்கள் ஊரில் திட்டத்தின்கீழ் 2வது நாளான இன்று (20ம் தேதி) ஈரோடு மாவட்ட ஆட்சியர் ராஜ கோபால் சுன்கரா கொடுமுடி வட்டத்திற்கு உட்பட்ட பல்வேறு பகுதிகளுக்கு நேரில் சென்று பார்வையிட்டு ஆய்வு மேற்கொண்டார்.

உங்களைத் தேடி உங்கள் ஊரில் என்ற திட்டத்தின் கீழ், ஈரோடு மாவட்ட ஆட்சியர் ராஜ கோபால் சுன்கரா நேற்று (19ம் தேதி) கொடுமுடி வட்டத்திற்கு உட்பட்ட பகுதியில், நடைபெற்று வரும் வளர்ச்சித் திட்டப்பணிகளை துறைச் சார்ந்த முதன்மை அலுவலர்களுடன் ஆய்வு மேற்கொண்டு, பணிகளை விரைந்து முடித்திடவும், குறைகள் உள்ள இடங்களில் அதனை உடனடியாக நிவர்த்தி செய்யவும் தொடர்புடைய துறை அலுவலர்களுக்கு அறிவுறுத்தினார்.

அதனைத் தொடர்ந்து, 2வது நாளான இன்று (20ம் தேதி) கொடுமுடி சாலைப்புதூர் பால் உற்பத்தியாளர் கூட்டுறவு சங்கத்தின் பால் கொள்முதல் செய்யப்பட்டு வருவதை பார்வையிட்டு ஆய்வு மேற்கொண்டு, அங்கிருந்த விவசாயிகளிடம் கோரிக்கைகளை அவர் கேட்டறிந்தார். தொடர்ந்து கொடுமுடி தேர்வுநிலை பேரூராட்சியில் மேல்நிலை நீர் தேக்க தொட்டியில் குளோரினேஷன் செய்யப்பட்டு தண்ணீர் சுத்திகரிப்பு செய்யப்பட்டு வருவதை நேரில் பார்வையிட்டு ஆய்வு மேற்கொண்டார்.

மேலும், குருக்கள் தெருவில் வீடுகளுக்கு விநியோகம் செய்யும் குடிநீரில் உள்ள குளோரின் அளவு அனைத்து இணைப்புகளுக்கும் சரியாக வழங்கப்படுகிறதா என்பதை பார்வையிட்டு ஆய்வு மேற்கொண்டார். தொடர்ந்து, அப்பகுதியில் உள்ள வீடுகளுக்கு நேரில் சென்று பொதுமக்களிடம் கோரிக்கைகளை கேட்டறிந்தார். தொடர்ந்து, கொடுமுடி பேரூராட்சி கணபதிபாளையத்தில் திடக்கழிவு மேலாண்மைத் திட்ட வளமீட்பு பூங்காவில் பேரூராட்சி துறையின் மூலம் திடக்கழிவு மேலாண்மை செய்யப்பட்டு வருவதை பார்வையிட்டு, ஆய்வு மேற்கொண்டார்.

இதனையடுத்து, நகப்பாளையம் ஊராட்சி ஒன்றிய ஆரம்பப்பள்ளியில் முதலமைச்சரின் காலை உணவு திட்டத்தின் கீழ், பள்ளி மாணவ, மாணவியர்களுக்கு வழங்கப்படவுள்ள காலை உணவினை சுவைத்து பார்த்து ஆய்வு மேற்கொண்டார். இந்த ஆய்வின்போது, உதவி ஆட்சியர் (பயிற்சி) ராமகிருஷ்ணசாமி, மாவட்ட ஆட்சியர் தலைவரின் நேர்முக உதவியாளர்கள் ரமேஷ் (சத்துணவு), செல்வராஜ் (வளர்ச்சி), உதவி இயக்குநர் (பேரூராட்சிகள்) துவாரகநாத்சிங் உட்பட துறை சார்ந்த அலுவலர்கள் உடன் இருந்தனர்.

Read more

கள்ளச்சாராய மரணங்களுக்கு அரசு முழு பொறுப்பேற்க வேண்டும்: யுவராஜா

தமிழ் மாநில காங்கிரஸ் கட்சியின் மாநில இளைஞரணித் தலைவர் யுவராஜா வெளியிட்டுள்ள அறிக்கையில் கூறியிருப்பதாவது:-

தமிழகத்தையே உலுக்கிய கள்ளக்குறிச்சி கருணாபுரம் கள்ளச்சாராய மரணங்களுக்கு தமிழக அரசு பொறுப்பேற்க வேண்டும். ஏறக்குறைய 133 பேர் கள்ளச்சாராயம் குடித்து பாதிக்கப்பட்டனர். அதில் 35 பேர் உயிரிழந்துள்ளனர் என்பது தமிழக மக்கள் அனைவரையும் சோகத்தில் ஆழ்த்தியுள்ளது. இந்த விஷ சாராயம் குடித்தவுடன் இரண்டு பேர் உயிரிழந்தனர்.

அந்த துக்க நிகழ்வில் பங்கேற்ற பலரும் கள்ளச்சாராயம் குடித்து உயிரிழந்தனர். ஆனால் நேற்று மாவட்ட ஆட்சியர் ஷர்வன்குமார் இரண்டு நபர் இறந்தவுடன் அது கள்ளச்சாராயத்தால் அல்ல என்று கூறினார். வாந்தி மயக்கத்தால் என அறிவித்ததை தொடர்ந்து மேலும் பலர் கள்ளச்சாராயம் அருந்தி இறந்துள்ளனர். கள்ளச்சாராயம் அருந்தி கண் பார்வை பாதிக்கப்பட்டனர். ரத்த வாந்தி எடுத்தனர் என்ற தகவல் அறிந்த பிறகும் பலர் கள்ளச்சாரத்தை அருந்தி உள்ளனர்.

மெத்தனால் என்ற விஷ சாராயம் அங்கு எப்படி வந்தது? எவ்வாறு பாக்கெட் சாராயம் விற்பனை செய்யப்பட்டது? போலீசார் வருவாய்த்துறையினர் என்ன செய்து கொண்டு இருந்தார்கள்? பாதிக்கப்பட்ட மக்கள் கூறும்போது ஏற்கனவே இது குறித்து தகவல் அளிக்கப்பட்டும் போலீசார் நடவடிக்கை இல்லை என்று கூறுகின்றனர்.

முதல்வர் சிபிசிஐடி விசாரணைக்கு உத்தரவிட்டுள்ளார். மதுவிலக்கு போலீசார், எஸ்.பி, கலெக்டர் மாற்றப்பட்டுள்ளனர். ஆனால் இது போதாது. கள்ளக்குறிச்சி நகர பகுதியிலேயே இது நடந்துள்ளது. அப்பகுதியில் உள்ள அதிகாரிகள் அனைவரையும் பணி நீக்கம் செய்ய வேண்டும். அப்போதுதான் பிற இடங்களிலும் இதுபோன்ற சம்பவங்கள் நிகழாமல் இருக்கும். தற்காலிக இடமாற்றம் பணியிடை நீக்கம் என்பது தீர்வாகாது. 

கடந்த ஆண்டு விழுப்புரம் மரக்காணம் செங்கல்பட்டு பகுதிகளில் இதே போன்ற கள்ளச்சாராயம் மரணம் ஏற்பட்டது. 23-க்கும் மேற்பட்டவர்கள் இறந்தனர் ஆளுங்கட்சி சேர்ந்த சிலருக்கும் கள்ளச்சாராய விற்பனையில் இருந்ததாக கூறப்பட்டது. அப்போது முதல்வர் மாவட்ட ஆட்சியர் ஒவ்வொரு வாரமும் கள்ளச்சாராயம் குறித்த ஆய்வுகள் நடத்தி அறிக்கை அனுப்ப வேண்டும். பொதுமக்கள் மாணவர்களுக்கு விழிப்புணர்வு ஏற்படுத்த வேண்டும். கவனக்குறைவாக இருக்கும் காவல்துறையினர் மீது கடும் நடவடிக்கை எடுக்கப்படும். கள்ளச்சாராயம் குறித்து பொதுமக்கள் 10581 க்கு போன் செய்து தகவல் அளிக்கலாம் என்றெல்லாம் அறிவித்தார்.

அப்போதே கள்ளச்சாராயம் குறித்து கடும் நடவடிக்கை தொடர்ந்து இருந்தால் இப்போது இந்த மரணங்கள் ஏற்பட்டிருக்காது. பெரும்பாலும் பாதிக்கப்பட்ட பகுதியை சேர்ந்தவர்கள் ஏழை கூலி தொழிலாளிகள். இந்த அரசு பொறுப்பேற்ற பிறகு இரண்டு முறை டாஸ்மாக் மதுவின் விலையை உயர்த்தி உள்ளது.

எனவே குறைந்தபட்சம் ரூபாய் 200 இருந்தால் மட்டுமே குறைந்த அளவு குடிக்க முடியும். இந்த விலை ஏற்றமும் பலரை கள்ள மதுவை நாடிச் செல்ல செய்துள்ளது என்பது வேதனைக்குரியது. மது விற்பனை செய்த பகுதி அருகிலேயே காவல் நிலையமும் உள்ளது. திமுக ஆட்சி பொறுப்பேற்றதிலிருந்து பள்ளி மாணவர்கள் முதல் கல்லூரி மாணவர்கள் வரை போதைப் பழக்கத்திற்கு அடிமையாகி வருகின்றனர். இதை தடுக்க எந்த ஒரு நடவடிக்கையும் ஆளும் திமுக அரசு மேற்கொள்ளவில்லை.

கள்ளச்சாராயத்தை ஒழிப்பதற்காகவே டாஸ்மாக் மது விற்கப்படுவதாக அரசு கூறி வருகிறது. ஆனாலும் கள்ளச்சாராயம் விற்கப்படுவதை கட்டுப்படுத்த முடியாத அரசாக ஆளும் திமுக அரசு உள்ளது. கள்ளச்சாராயம் விற்பனைக்கும் அதனால் ஏற்படும் உயிரிழப்புகளுக்கும் உள்துறையை கையில் வைத்திருக்கும் முதல்வர் ஸ்டாலின் தான் பொறுப்பேற்க வேண்டும்.

1937 இல் அப்போதைய முதல்வர் ராஜாஜி சேலம் மாவட்டத்தில் மதுவிலக்கு அமல்படுத்தினார். 1948 இல் அப்போதைய முதல் ஓமந்தூர் ராமசாமி ரெட்டியார் தமிழகத்தில் மதுவிலக்கை அமலாக்கினார். ஆனால் 23 ஆண்டுகள் கழித்து அப்போதைய முதல்வர் கருணாநிதி ஆட்சி காலத்தில் மதுவிலக்கு தளர்த்தப்பட்டது. மதுவை மறந்திருந்த மக்கள் மதுவுக்கு அடிமையாகினர். இன்று 6000 மேற்பட்ட மதுக்கடைகள் உள்ளன. அரசு ஆண்டுக்கு ரூபாய் 50,000 கோடி இதன் மூலம் வருமானம் பெறுகிறது. மது விலை உயர்வு காரணமாக மக்கள் கள்ள சாராயத்தையும் கஞ்சாவையும் நாடுகின்றனர்.

பொதுவாக மதுவிலக்கை வலியுறுத்தும் போதெல்லாம் கள்ளச்சாராய சாவுகள் ஏற்படும் என்று அரசு கூறி வந்தது. ஆனால் மதுவிலக்குத் துறை அமைச்சரே மது விற்பனைக்கும் பொறுப்பேற்கிறார் என்பது விந்தையானது. மதுவிலக்கு துறை போலீசார் என ஏராளமானோர் கோடிக்கணக்கில் சம்பளம் பெறுகின்றனர். டாஸ்மாக் மது கிடைத்த போதும் கள்ளச்சாராயம் விற்கப்படுகிறது. எனவே இதில் ஆளுங்கட்சியினர் போலீசார் வருவாய்த்துறையினர் மற்றும் அதிகாரிகள் தொடர்பு இருப்பதாக மக்கள் சந்தேகிக்கலாம். ஒட்டுமொத்தமாக இந்த அரசு இந்த கள்ள சாராய சாவுகளுக்கு பொறுப்பேற்க வேண்டும் என கூறியுள்ளார் 

Read more

உங்களைத் தேடி உங்கள் ஊரில்: கொடுமுடி வட்டத்தில் ஆட்சியர் கள ஆய்வு

தமிழ்நாடு அரசின் அனைத்து நலத்திட்டங்களும், சேவைகளும் தங்கு தடையின்றி விரைந்து மக்களை சென்றடைவதை உறுதி செய்திட வேண்டுமென்ற நோக்கத்தின் அடிப்படையில் 'உங்களைத் தேடி உங்கள் ஊரில்' என்ற புதிய திட்டத்தை தமிழ்நாடு முதலமைச்சர் அறிவித்ததைத் தொடர்ந்து, ஈரோடு மாவட்ட ஆட்சியர் ராஜ கோபால் சுன்கரா கொடுமுடி வட்டத்திற்கு உட்பட்ட பகுதிகளில் மேற்கொள்ளப்பட்டு வரும் பல்வேறு வளர்ச்சித் திட்டப் பணிகளை இன்று (19ம் தேதி) நேரில் சென்று பார்வையிட்டு ஆய்வு மேற்கொண்டார்.

தமிழ்நாடு முதலமைச்சர் மக்களை நாடி, மக்கள் குறைகளைக் கேட்டு உடனுக்குடன் தீர்வு காண அரசு இயந்திரம் களத்திற்கே வரும் 'உங்களைத் தேடி, உங்கள் ஊரில்" என்ற புதிய திட்டத்தினை அறிவித்தார். 'உங்களைத் தேடி, உங்கள் ஊரில்" திட்டத்தின்படி ஒவ்வொரு மாவட்ட ஆட்சியரும், ஒவ்வொரு மாதமும் மூன்றாவது புதன் கிழமை ஒரு நாள் வட்ட அளவில் தங்கி, கள ஆய்வில் ஈடுபட்டு, அரசு அலுவலகங்களை ஆய்வு செய்து, மக்களின் சேவைகளும், தங்கு தடையின்றி மக்களைச் சென்றடைவதை உறுதி செய்ய வேண்டும் என்று அறிவுறுத்தியுள்ளார்.

அந்த வகையில், இன்று (19ம் தேதி) ஈரோடு மாவட்ட ஆட்சியர் ராஜ கோபால் சுன்கரா கொடுமுடி வட்டம் தாமரைபாளையம் அரசு ஆரம்ப சுகாதார நிலையத்தில் பிரசவ பிரிவு, தடுப்பூசி பிரிவு, உள்நோயாளிகள் மற்றும் புறநோயாளிகள் பிரிவு உள்ளிட்ட பிரிவுகளை பார்வையிட்டு ஆய்வு மேற்கொண்டார். மேலும், நாள்தோறும் எவ்வளவு நபர்கள் சிகிச்சைக்கு வருகின்றனர் எனக் கேட்டறிந்து, மருத்துவமனையில் பராமரிக்கப்படும் பதிவேடுகள், மருந்துகளின் காலாவதி நாள் ஆகியவற்றையும் ஆய்வு செய்தார். தொடர்ந்து, சிகிச்சைக்காக அங்கு வந்திருந்த புற நோயாளிகளிடம் அவர்களுக்கு அளிக்கப்பட்டு வரும் சிகிச்சைகள் குறித்தும் கேட்டறிந்தார்.

அதனைத் தொடர்ந்து, சிவகிரி தேர்வுநிலை பேரூராட்சி, அம்மன் கோவில் கிராம நிர்வாக அலுவலகத்தில் ஆய்வு மேற்கொண்டு அங்கு பராமரிக்கப்பட்டு வரும் பதிவேடுகளை பார்வையிட்டார். தொடர்ந்து நில வருவாய் ஆய்வாளர் அலுவலகத்திலும் பதிவேடுகளை பார்வையிட்டு ஆய்வு செய்தார். தொடர்ந்து, சிவகிரி தொடக்க வேளாண்மை கடன் சங்கம், அம்மன் கோவில் நியாய விலை கடையில் பயோமெட்ரிக் கருவியினை ஆய்வு செய்து, அத்தியாவசிய பொருட்கள் இருப்பு, மேலும் எவ்வளவு குடும்ப அட்டைதாரர்கள் பொருட்கள் வாங்கியுள்ளனர் என கடை விற்பனையாளரிடம் கேட்டறிந்தார்.

பின்னர், சிவகிரி அரசு ஆண்கள் மேல்நிலைப்பள்ளியில் ஆய்வு மேற்கொண்டு 10 மற்றும் 12ம் வகுப்பு மாணவர்களின் தேர்ச்சி சதவிகிதம் குறித்தும், மேலும், பள்ளியில் ஆசிரியர் பொருளாதாரம் குறித்து வகுப்பு எடுத்ததை பார்வையிட்டு, மாணவர்களிடம் கல்வித்திறன் மற்றும் கற்றல் திறன் குறித்து ஆய்வு செய்தார். தொடர்ந்து பள்ளியில் உள்ள கழிவறையினை பார்வையிட்டு ஆய்வு மேற்கொண்டார். தொடர்ந்து, கொடுமுடி அண்ணாதெருவில் உள்ள அங்கன்வாடி மையத்தில் ஆய்வு மேற்கொண்டு, குழந்தைகளுக்கு வழங்கப்படும் சத்துமாவு குறித்து கேட்டிருந்தார். மேலும் குழந்தைகளின் இந்த மாதம் தலைப்பான என்னைப் பற்றி என்பது குறித்து, குழந்தைகளிடம் விளக்கம் கேட்டறிந்தார். மேலும், குழந்தைகளின் உயரம் எடை ஆகியவற்றை அளவீட்டு முறைப்படி ஆய்வு செய்தார்.

இதனையடுத்து, ஊஞ்சலூர் மற்றும் கொளாநல்லி உப கிளை வாய்க்காலின் மதகு மறுசீரமைப்பு பணியினையும், மலையம்பாளையம் காவல் நிலையத்தினையும், ஈரோடு -கரூர் சாலையில் 2.7 கி.மீ நீளத்திற்கு ரூ.20 கோடி மதிப்பீட்டில் சாலைப்புதூர் முதல் நொய்யல் வரை 2 வழிச்சாலை 4 வழி சாலையாக அகலப்படுத்தும் பணியினையும், நேரில் சென்று பார்வையிட்டு, ஆய்வு மேற்கொண்டார். இந்த ஆய்வுகளின் போது, உதவி ஆட்சியர் (பயிற்சி) ராமகிருஷ்ணசாமி, உதவி கோட்ட பொறியாளர் கதிரேசன், செயற்பொறியாளர் திருமூர்த்தி. உதவிப் பொறியாளர் உதயகுமார், கொடுமுடி வட்டாட்சியர் பாலகுமார் உட்பட தொடர்புடைய துறை அலுவலர்கள் உகியோர் உடனிருந்தனர்.

Read more

மாற்றுத்திறனாளிகள் இலவச பேருந்து பயண அட்டையை புதுப்பிக்க சிறப்பு முகாம்: ஈரோடு ஆட்சியர் தகவல்

இதுகுறித்து ஈரோடு மாவட்ட ஆட்சியர் ராஜ கோபால் சுன்கரா வெளியிட்டுள்ள செய்திக்குறிப்பில் கூறியிருப்பதாவது:- 

ஈரோடு மாவட்டத்தில் பார்வையற்ற மாற்றுத்திறனாளிகளுக்கு பேருந்து பயண அட்டையை புதுப்பிக்க சிறப்பு முகாம் மாவட்ட மாற்றுத்திறனாளிகள் நல அலுவலகத்தில் நடைபெற உள்ளது.

பார்வையற்ற மாற்றுத்திறனாளிகளின் சிரமத்தினை போக்கிடும் வகையில் ஈரோடு மாவட்ட மாற்றுத்திறனாளிகள் நல அலுவலகத்தில் 2024-2025-ஆம் ஆண்டிற்கான புதிய பேருந்து பயண அட்டை மற்றும் ஏற்கனவே வழங்கப்பட்டுள்ள பேருந்து பயண அட்டையை புதுப்பித்து வழங்கிட சிறப்பு முகாம் நாளை (20ம் தேதி) மற்றும் நாளை மறுநாள் (21ம் தேதி) ஆகிய 2 நாட்கள் நடைபெற உள்ளது.

இம்முகாமில் பார்வையற்ற மாற்றுத்திறனாளிகள் புகைப்படம்-6, தேசிய அடையாள அட்டை நகல்-2 பழைய பேருந்து சலுகை அட்டை அசல் ஆகியவற்றுடன் நேரில் கலந்து கொண்டு பயன் பெறலாம்.

இவ்வாறு அதில் கூறப்பட்டுள்ளது.

Read more

ஈரோடு மாவட்டத்தில் நாளைய (ஜூன்.20) மின்தடை

ஈரோடு மாவட்டத்தில், நாளை (ஜூன்.20) வியாழக்கிழமை மின்தடை செய்யப்படும் பகுதிகள் குறித்து மின்வாரியம் சார்பில் அறிவிக்கப்பட்டுள்ளது. ஆகையால், நாளை கீழ்கண்ட இந்தப் பகுதிகளில் மின் விநியோகம் இருக்காது என்று மின்வாரியம் தரப்பில் தெரிவிக்கப்பட்டுள்ளது.

காசிபாளையம் துணை மின் நிலையம் (காலை 9 மணி முதல் மதியம் 2 மணி வரை):- 

மின்விநியோகம் தடை செய்யப்படும் பகுதிகள்:- சூரம்பட்டிவலசு, அணைக்கட்டு சாலை, சங்கு நகர், சேரன் நகர், மாதவி வீதி, டாக்டர் ராதாகிருஷ்ணன் சாலை, கோவலன் வீதி, காம ராஜன் வீதி 1 முதல் 3, நேரு வீதி, தாதுக்காடு, நேதாஜி வீதி 1 முதல் 3, சாஸ்திரி சாலை 1, 2, ரயில் நகர், கே.கே.நகர், சென்னிமலை சாலை, ரங்கம்பாளையம், இரணியன் வீதி, பெரிய சடையம்பாளையம், சிவம் நகர், அண்ணா நகர், சேனாதிபதிபாளையம், தொழிற்பேட்டை, காசிபாளையம், சாஸ்திரி நகர், ஜீவா நகர், மூலப்பாளையம், நாடார் மேடு, கொல்லம் பாளையம், பச்சப்பாளி, செந்தில் நகர், காந்திஜி சாலை, ஈவி என் சாலை, முத்தம்பாளையம் வீட்டு வசதி வாரிய குடியிருப்புப் பகுதி 1 முதல் 8 வரை, அம்பிகை நகர், அன்னை நகர், நல்லியம்பாளையம், பாலாஜி நகர், ஜீவானந்தம் சாலை, தங்கப்பெருமாள் வீதி, ஈஸ்வரன் பிள்ளை வீதி, கள்ளுக்கடை மேடு மற்றும் பழைய ரயில் நிலையம்.

சிப்காட் -I துணை மின் நிலையம் (காலை 9 மணி முதல் மாலை 5 மணி வரை):- 

மின்விநியோகம் தடை செய்யப்படும் பகுதிகள்:- பெருந்துறை கோட்டத்தைச் சேர்ந்த சிப்காட் வளாகம் தெற்கு பகுதி தவிர, வாவிக்கடை, திருவாச்சி, சோளிபாளையம், கருமாண்டிசெல்லிபாளையம், கந்தாம்பாளையம், கந்தாம்பாளையம்புதூர், திருவேங்கிடம்பாளையம் புதூர், வெள்ளியம்பாளையம், சுள்ளிப்பாளையம், பெருந்துறை நகர் தெற்கு பகுதி தவிர, சென்னிமலை ரோடு, குன்னத்தூர் ரோடு, பவானி ரோடு, சிலேட்டர்நகர், ஓலப்பாளையம், ஓம் சக்தி நகர் மற்றும் மாந்தம்பாளையம் ஆகிய பகுதிகளில் மின்சாரம் இருக்காது என தெரிவிக்கப்பட்டுள்ளது.

Read more