உலக நன்மை வேண்டி மகா யாகம்.. ஏராளமான பக்தர்கள் பங்கேற்பு..

சேலம். 

S.K. சுரேஷ்பாபு.

ஸ்ரீ பாலா தேவஸ்தான, ஸ்ரீ மகா பெரியவா இல்லம் மற்றும் ஸ்ரீ லட்சுமி நரசிம்ம பக்த ஜன சபா சார்பில் உலக சேமத்தை முன்னிட்டு ஸ்ரீ ருத்ர ஏகாதசனி மற்றும் ஸ்ரீ தன்வந்திரி மகா யாகம் சேலத்தில் நடைபெற்றது. 

இந்த அமைப்பின் சார்பில் உலக நன்மையை வலியுறுத்தி ஆறு மாதங்களுக்கு ஒரு முறை தமிழகத்தில் பல்வேறு பகுதிகளில் நடத்தப்பட்ட வரும் இந்த மகா யாகம் சேலம் ஜான்சன் நகர் பகுதியில் உள்ள தனியார் சூப்பர் மார்க்கெட் மேல் தடத்தில் உள்ள கூட்டாரங்கள் நடைபெற்றது. 

மகா யாகத்தை இணைந்து நடத்திய அமைப்புகளில் முக்கிய நிர்வாகிகள் ராஜா சுப்புராஜ் குமார் மற்றும் ராமையர் ஆகியோர் முன்னிலையில் நடைபெற்ற இந்த மகா யாகத்தில் குருநாதர்கள் ஸ்ரீலஸ்ரீ காமாட்சி சுவாமிகள் மற்றும் ஸ்ரீரங்கம் ஸ்ரீ லட்சுமி நாராயண சித்தர் வழிகாட்டுதல்படி உலக சேமத்தை முன்னிட்டு நடைபெற்ற இந்த மகா யாகத்தில் காலை 7:00 மணிக்கு ஸ்ரீ கணபதி பூஜை ஸ்ரீ ருத்ர பாராயணம் ஸ்ரீ 108 வானலிங்கம் மரகதலிங்கம் ஸ்படிகலிங்கம் நவபாஷாண லிங்கம் சிங்கம் 16 முகம் கொண்ட பிரம்ம லிங்கம் ஆகிய லிங்க மூர்த்தி களுக்கு 11 வகை திரவியங்கள் கொண்டு அபிஷேகங்கள் நடைபெற்றன.

 அதனை அடுத்து காலை 10 மணியளவில் ஸ்ரீ ருத்ர ஹோமம் மற்றும் ஸ்ரீ தன்வந்திரி ஹோமம் ஆகியவை நடைபெற்றன தொடர்ந்து 11 மணி அளவில் ஆராதனை மற்றும் மகா தீபாராதனை தொடர்ந்து அன்னதானமும் பக்தர்களுக்கு வழங்கப்பட்டன. 

இந்த ஸ்ரீ ருத்ர ஏகாதசி மற்றும் ஸ்ரீ தன்வந்திரி மகாயாகத்தில் சின்ன திருப்பதி அஸ்தம்பட்டி ஜான்சன் நகர் உள்ளிட்ட சேலம் மாநகரின் பல்வேறு பகுதிகளை சேர்ந்த ஏராளமான பக்தர்கள் கலந்து கொண்டு பயன் பெற்றனர். 

Read more

2026ல் ஆட்சி மாற்றத்தை மக்கள் தருவார்கள்: தமாகா யுவராஜா

ஈரோடு தமிழ் மாநில காங்கிரஸ் மத்திய மாவட்டம் சார்பில், மாநில இளைஞரணித் தலைவர் யுவராஜாவின் 43வது பிறந்தநாளை முன்னிட்டு, எஸ்.சி.செங்கோட்டு வேலப்பன் நினைவு சேவை மருத்துவமனை, வேளாளர் கல்வி அறக்கட்டளை, அரசன் கண் மருத்துவமனையுடன் இணைந்து ஈரோடு மரப்பாலம் சிஎஸ்ஐ மருத்துவமனையில் கண் சிகிச்சை முகாம் நடைபெற்றது.

முகாமை துவக்கி வைத்த பின்னர் யுவராஜா செய்தியாளர்களுக்கு பேட்டியளித்தார். அவர் அவர் பேசியதாவது, கள்ளக்குறிச்சியில் 55க்கும் மேற்பட்டோர் விஷ சாராயம் அருந்தி இறந்துள்ளனர். இதற்கு காவல்துறை தோல்வியே காரணமாகும். காவல்துறையை கையில் வைத்துள்ள முதலமைச்சர் இதற்கு பொறுப்பு ஏற்க வேண்டும்.

நடந்து முடிந்த நாடாளுமன்றத் தேர்தலில் திமுக கூட்டணி 40 தொகுதிகளில் பல்வேறு பொய் காரணங்களையும், மோடி சர்வாதிகாரி என பிரசாரம் செய்தும் வெற்றி பெற்றது. சட்டமன்றத்தில் எதிர்க்கட்சி தலைவர்கள் எதிர்கட்சிகள் வெளிநடப்பு செய்த பிறகு முதலமைச்சர் வந்து விடை அளிக்கிறார். ஏன் எதிர் கட்சிகள் பேச அனுமதிப்பதில்லை. எதிர் கட்சிகள் பேச்சை ஒளிபரப்பினால் கூடாது என்று பத்திரிகையாளர்களை சபாநாயகர் எச்சரிக்கிறார்.

சட்டமன்றத்தில் எதிர்க்கட்சிகள் பேசுவது என்ன என்று கூட மக்களுக்கு காட்டுவதில்லை. இது என்ன ஜனநாயகம். உண்மையில் ஸ்டாலின் தான் பெரிய சர்வாதிகாரி. இந்நிலைமை தொடராது. மக்கள் அனைவரும் பார்த்துக் கொண்டு இருக்கிறார்கள். 2026ல் மிகப்பெரிய ஆட்சி மாற்றத்தை முதல்வர் ஸ்டாலினுக்கு மக்கள் தருவார்கள். இவ்வாறு அவர் கூறினார்.

முகாமில், தமிழ் மாநில காங்கிரஸ் கட்சி செயற்குழு உறுப்பினர் சந்திரசேகர், மத்திய மாவட்ட இளைஞர் அணி தலைவர் ரமேஷ், நிர்வாகிகள் சிவானந்தம், மாயா, சக்தி, மற்றும் சஞ்சய் உட்பட பலர் கலந்து கொண்டனர். மேலும், நடைபெற்ற முகாமில் சுமார் 300 பேர் கலந்து கொண்டு பயனடைந்தனர். 

Read more

செட்டி சாவடி ஊராட்சியில் புதிய குடிநீர் திட்டம் தொடக்கம். 50 ஆண்டுகள் கனவு திட்டம்.. பொதுமக்கள் மகிழ்ச்சி...

சேலம். 

S.K. சுரேஷ்பாபு. 

செட்டி சாவடி ஊராட்சியில் புதிய குடிநீர் திட்டம் தொடக்கம். 50 ஆண்டுகள் கனவு திட்டம்.. பொதுமக்கள் மகிழ்ச்சி...

செட்டிச்சாவடி ஊராட்சியில் 6 ஆயிரத்துக்கும் மேற்பட்டவர்கள் தங்களது குடும்பத்தினருடன் வசித்து வருகின்றனர். இந்த பகுதியில் கடந்த பல ஆண்டுகளாக குடிநீர் தட்டுப்பாடு நிலவி வருகிறது. 

இதனை அடுத்து அங்குள்ள டால்மியா பகுதியில் இருந்து குடிநீர் எடுக்க அனுமதி கேட்டு பஞ்சாயத்து தலைவர் அம்பிகா கார்த்திக் சேலம் மேற்கு ஒன்றிய A.V. ராஜு மற்றும் ஊர் நிர்வாகிகள் டால்மியா அதிகாரிகளிடம் கோரிக்கை வைத்தனர். இதற்கு டால்மியா அதிகாரிகள் அனுமதி அளித்ததை எடுத்து அதற்கான அடிக்கல் நாட்டு விழா இன்று நடைபெற்றது. 

இதில் செட்டி சாவடி பஞ்சாயத்து தலைவர் அம்பிகா கார்த்திக் தலைமையில் நடைபெற்ற அடிக்கல் நாட்டு விழாவில், சேலம் மேற்கு ஒன்றிய செயலாளர் A.V. ராஜு முன்னிலையில் அடிக்கல் நாட்டப்பட்டது. இதனால் அந்த பகுதி மக்கள் மகிழ்ச்சி அடைந்துள்ளனர். 

அப்போது அவர்கள் கூறுகையில், சிட்டிசாவடி ஊராட்சிக்கு உட்பட்ட 9 வார்டுகள், ஒன்பது கிராம மக்கள் என 6000க்கும் மேற்பட்டோர் பயன்பெறும் வகையில் 50 ஆண்டு கால கனவு திட்டத்தை பொதுமக்களுக்கு அர்ப்பணிக்கப்பட்டுள்ளதால் மகிழ்ச்சி அடைந்துள்ளதாகவும் இந்த திட்டம் கொண்டு வர காரணமாக இருந்த அனைவருக்கும் தங்களது நன்றியை தெரிவித்துக் கொள்வதாக கிராம மக்கள் தெரிவித்தனர். 

இந்த விழாவில் டால்மியா நிறுவன மேலாளர் காளிதாஸ், துணை மேலாளர் அருண், ஒன்றிய இளைஞர் இளம் பெண்கள் பாசறை செயலாளர் பிரவீன் குமார், ஒன்றிய துணை செயலாளர் பவித்ரா முனியப்பன், ஊர் தர்மகர்த்தா ஏழுமலை, செட்டி சாவடி ஊராட்சி மன்ற கவுன்சிலர்கள் சுரேஷ், முனியப்பன், வசந்தம் பழனிச்சாமி, குழந்தை, பாலமுருகன், பாஸ்கரன், சுந்தர், முனியப்பன், ஈஸ்வரன், அய்யனார், சரவணன் மற்றும் முருகேசன் உள்ளிட்ட பலர் கலந்து கொண்டனர்.

Read more

ஈரோட்டில் போதைப் பொருள் தடுப்பு நடவடிக்கைகள் குறித்து ஆய்வுக் கூட்டம்

ஈரோடு மாவட்ட ஆட்சியர் அலுவலக கூட்டரங்கில் போதைப் பொருட்கள் தடுப்பு நடவடிக்கைகள் குறித்து மேற்கொள்ளப்பட்டு வரும் பணிகள் தொடர்பாக, துறை சார்ந்த அலுவலர்களுக்கான ஆய்வுக் கூட்டம் மாவட்ட ஆட்சியர் ராஜ கோபால் சுன்கரா தலைமையில் நடைபெற்றது.

இக்கூட்டத்தில் மாவட்ட ஆட்சியர் ராஜ கோபால் சுன்கரா தெரிவித்ததாவது, ஈரோடு மாவட்டத்தில் புகையிலை, குட்கா, பான்மசாலா, கூலிப் உள்ளிட்ட போதைப் பொருள்கள் விற்பனை செய்வதை தடுக்கும் வகையில் துறைவாரியாக ஆய்வு மேற்கொள்ளப்பட்டது. மேலும் காவல் துறை, சுகாதார துறை அலுவலர்கள் மற்றும் உணவு பாதுகாப்புத் துறை அதிகாரிகள் இணைந்து கூட்டு தணிக்கையில் ஈடுபட்டு போதைப் பொருட்கள் பயன்பாட்டினை தடுக்கும் நடவடிக்கைகளை மேற்கொள்ள வேண்டும்.

பள்ளி கல்லூரிகள் அமைந்துள்ள பகுதிகளில் உள்ள கடைகளை தனி கவனம் செலுத்தி கூட்டு குழுக்கள் மூலம் ஆய்வு மேற்கொள்ள வேண்டும். அரசு விதிகளுக்கு உட்படாமல் சட்டவிரோதமாக போதை பொருட்கள் விற்பனை செய்யும் கடைகளுக்கு அபராதம் விதிக்கவும், கடைகளை சீல் வைக்க வேண்டும். போதை பொருட்கள் விற்பனையில் ஈடுபடும் நபர்களின் மீது தீவிர நடவடிக்கை மேற்கொள்ளப்படவேண்டும்.

மேலும், உள்ளாட்சி அமைப்புகள் தங்களுக்கு உட்பட்ட பகுதிகளில் உள்ள பள்ளி மற்றும் கல்லூரி பகுதிகளில் உள்ள கடைகளில் தணிக்கை மற்றும் கூட்டு தணிக்கைகள் மூலமாக புகையிலை, குட்கா, பான்மசாலா, கூலிப் உள்ளிட்ட போதைப் பொருள்களை விற்பனை செய்வதை கண்காணித்தல் மற்றும் ஒழித்தல் தொடர்பாகவும் போதை பொருட்களின் நடவடிக்கைகள் தொடர்பாகவும் பெறப்படும் புகார்கள் குறித்து உடனடி நடவடிக்கை மேற்கொள்ள வேண்டும்.

போதைப் பொருட்கள் மற்றும் போதை மாத்திரைகள், சாக்லெட்கள் இணையதள வாயிலாக விற்பனை செய்பவர்களை கண்டறிந்து சைபர் கிரைம் மூலமாக கடுமையான நடவடிக்கை எடுக்க வேண்டும். திருவிழாக்கள், பேருந்து நிலையங்கள் மற்றும் சந்தைகள் போன்ற மக்கள் அதிகமாக கூடும் இடங்களில் தீவிர கண்காணிப்பு நடவடிக்கைகள் மேற்கொள்ள வேண்டும்.

பொதுமக்கள் கட்டணமில்லா தொலைபேசி எண் 10581 மற்றும் 9442900373 என்ற வாட்ஸ்அப் எண்ணையும் தொடர்பு கொண்டு புகார் அளிக்கலாம். இந்த புகார் எண்கள் பொதுமக்களுக்கு தெரியும் படி விளம்பரம் பதாகைகள் அமைத்து, விழிப்புணர்வு ஏற்படுத்த வேண்டும். மேலும், வருவாய்த்துறை, காவல்துறை, மருத்துவத்துறை, உணவு பாதுகாப்பு, மாநகராட்சி, பேரூராட்சி மற்றும் ஊராட்சிகள் துறை, பள்ளிக்கல்வித்துறை, உயர் கல்வித்துறை உள்ளிட்ட துறை அலுவலர்கள் ஒருங்கிணைந்து பணியாற்றிட வேண்டும் எனத் தெரிவித்தார்.

இந்த ஆய்வுக் கூட்டத்தில் மாவட்ட காவல் கண்காணிப்பாளர் ஜவகர், மாவட்ட வருவாய் அலுவலர் சாந்த குமார், உதவி ஆட்சியர் (பயிற்சி) ராமகிருஷ்ணசாமி, மாவட்ட ஆட்சியரின் நேர்முக உதவியாளர் (பொது) முஹம்மது குதுரத்துல்லா, உதவி ஆணையர் (கலால்) ஜீவரேகா உட்பட தொடர்புடைய துறை அலுவலர்கள் ஆகியோர் கலந்து கொண்டனர்.

Read more

கள்ளக்குறிச்சியில் விஷ சாராய உயிர் பலிகளை கண்டித்து சேலத்தில் பாஜகவின் ஆர்ப்பாட்டம். அனுமதியை மீறி ஆர்ப்பாட்டத்தில் ஈடுபட்ட ஆயிரத்திற்கும் மேற்பட்ட பாஜகவினர் கைது.

சேலம். 

S.K. சுரேஷ்பாபு.

கள்ளக்குறிச்சியில்  விஷ சாராய உயிர் பலிகளை கண்டித்து சேலத்தில் பாஜகவின் ஆர்ப்பாட்டம். அனுமதியை மீறி ஆர்ப்பாட்டத்தில் ஈடுபட்ட ஆயிரத்திற்கும் மேற்பட்ட பாஜகவினர் கைது. 

கள்ளக்குறிச்சி மாவட்டம் கருணாகுரத்தில் ஏற்பட்ட கள்ளச்சாராய உயிர் பலி எண்ணிக்கை 55 ஆக  அதிகரித்துள்ளது. மேலும் சேலம் கள்ளக்குறிச்சி விழுப்புரம் மற்றும் புதுவை ஜிப்மர் மருத்துவமனைகளில் ஏராளமானோர் தொடர் சிகிச்சையில் இருந்து வருகின்றனர்.

இந்த நிலையில் கள்ளக்குறிச்சி கள்ளச்சாராயம் அருந்தி உயிரிழந்த சம்பவம் தமிழ்நாடு முழுவதும் பெரும் அதிர்ச்சியை ஏற்படுத்தியுள்ளது.

இந்த சம்பவத்தை கண்டித்து  தமிழக முழுவதும் பாஜகவின் சார்பில் மாவட்ட தலைநகரங்களில் போராட்டங்களில் ஈடுபட்டனர். 

இதன் ஒரு பகுதியாக சேலத்தில் நடைபெற்ற ஆர்ப்பாட்டத்திற்கு பாரதிய ஜனதா கட்சியின் தமிழ்நாடு மாநில துணை தலைவர் ஜே பி ராமலிங்கம் தலைமை வகித்தார். 

சேலம் கோட்டை மைதானத்தில் நடைபெற்ற இந்த ஆர்ப்பாட்டத்தில் சேலம் மாநகரின் பல்வேறு பகுதிகளை சேர்ந்த பெண்கள் உட்பட 1000க்கும் மேற்பட்டோர் கலந்து கொண்டனர். இந்த ஆர்ப்பாட்டத்திற்கு காவல்துறையினர் அனுமதி மறுத்திருந்த நிலையில், தமிழக அரசுக்கு எதிராக கள்ளச்சாராய விஷ உயிர் பலியை கண்டித்து பல்வேறு முழக்கங்களை எழுப்பி போராட்டத்தில் ஈடுபட்டனர்.

அப்போது பாதுகாப்பிற்கு நின்றிருந்த காவல்துறையினர் அவர்களை தடுத்து நிறுத்தியதால் அங்கு பெரும் பரபரப்பு ஏற்படுத்தியது. அப்போது அனுமதியில்லாமல் ஆர்ப்பாட்டத்தில் ஈடுபட்ட பாஜகவினரை காவல்துறையினர் குண்டுகட்டாக கைது செய்து காவல்துறை வாகனங்களில் ஏற்றினர். அதனையும் மீறி பாஜகவினர் காவல்துறையினரிடம் தங்களை விடுவித்துக் கொண்டு மறியல் போராட்டத்திலும் ஈடுபட்டனர் அப்பொழுது, கள்ளக்குறிச்சியில் ஏற்பட்ட சாராய உயிர் பணிகளை கண்டித்து பல்வேறு முழக்கங்களை எழுப்பியதோடு இதற்கு காரணமான தமிழக அரசு பதவி  விலக வேண்டும் 

என்று கோஷமிட்டனர். 

மறியல் போராட்டம் ஆர்ப்பாட்டம் உள்ளிட்டவைகள் முடிந்த பிறகு ஆங்காங்கே ஒதுங்கி இருந்த பாஜகவினரை காவல்துறையினர் தேடிச் சென்று வலுக்கட்டாயமாக கைது செய்த சம்பவம் சேலத்தில் பரபரப்பை ஏற்படுத்தி உள்ளது. 

இந்த ஆர்ப்பாட்டத்தில் சேலம் மாவட்ட பாஜகவினர் உட்பட மாநில நிர்வாகிகள் தொண்டர்கள் மகளிர் அணியினர் என சுமார் ஆயிரத்திற்கும் மேற்பட்டோர் கலந்து கொண்டனர்.

Read more

ஈரோடு அரசு தலைமை மருத்துவமனையில் 108 ஆம்புலன்ஸ் ஊழியர்களுக்கு பாராட்டு

ஈரோடு மாவட்டத்தில் நாற்பத்தி நான்கு 108 ஆம்புலன்ஸ்கள் இயக்கப்பட்டு வருகின்றன. இதில் 33 பேசிக் லைப் சப்போர்ட, 8 அட்வான்ஸ் லைப் சப்போர்ட், 2 பச்சிளம் குழந்தைகள் ஆம்புலன்ஸ் மற்றும் 1 பைக் ஆம்புலன்ஸ் என மொத்தம் 44 ஆம்புலன்ஸ்கள் இயக்கப்பட்டு வருகின்றன.

இதில் அவசரகால மருத்துவ உதவியாளர் மற்றும் ஓட்டுநர் என நூற்றுக்கும் மேற்பட்டோர் இரவு பகல் என ஷிப்ட் அடிப்படையில் பணியாற்றி வருகின்றனர். இவர்கள் விபத்து, வலிப்பு, நெஞ்சுவலி, விஷ முறிவு மற்றும் பல்வேறு விதமான நோயாளிகளுக்கு முதலுதவி சிகிச்சை அளித்து மருத்துவமனையில் அனுமதிக்கின்றனர்.

குறிப்பாக கர்ப்பிணிகளுக்கு ஆம்புலன்ஸ் வாகனத்திலேயே பிரசவம் பார்த்து தாயையும், சேயையும் மேல் சிகிச்சைக்காக மருத்துவமனையில் அனுமதிக்கின்றனர். இவ்வாறாக, முதலுதவி சிகிச்சை அளித்து சிறப்பாக செயல்பட்ட அவசரகால மருத்துவ உதவியாளர் மகாதேவன் மற்றும் ஓட்டுநர் சனாவுல்லா ஆகியோரை ஈரோடு அரசு தலைமை மருத்துவமனை உறைவிட மருத்துவ அலுவலர் சசிரேகா பாராட்டி பரிசளித்து கௌரவித்தார்.

அப்போது, ஈரோடு மாவட்ட மேலாளர்கள் கவின், அம்பிகாசன் மற்றும் அலுவலக உதவியாளர்கள் ஆகியோர் உடனிருந்தனர்.

Read more

ஈரோடு அருகே கடையில் ஏற்பட்ட தீ விபத்தில் ரூ.25 லட்சம் பொருட்கள் சேதம்

ஈரோடு அடுத்த சோலார் விஐபி கார்டன் பகுதியைச் சேர்ந்தவர் செல்வம் என்கிற செல்வராஜ் (வயது 45). இவர், சோலார் அடுத்த மாணிக்கவாசகர் காலனியில் விவசாய பண்ணை கருவிகள் கடை வைத்து நடத்தி வருகிறார். நேற்று வழக்கம் போல் கடையை பூட்டிவிட்டு வீட்டிற்கு சென்று விட்டார்.

இந்நிலையில் கடையிலிருந்து திடீரென புகை வந்துள்ளது. இதனை அடுத்து தீ மளமளவென பரவி கடை முழுவதும் பரவி உள்ளே இருந்த விவசாய பண்ணை கருவி பொருட்கள் தீயில் எரிந்தது. இதுகுறித்து தீயணைப்பு துறையினருக்கு கொடுத்த தகவலின் பேரில் சம்பவ இடத்திற்கு ஈரோடு, மொடக்குறிச்சி ஆகிய தீயணைப்பு நிலையங்களில் இருந்து வந்த ஐந்துக்கு மேற்பட்ட தீயணைப்பு வாகனங்கள் மூலம் தீயை அணைக்கும் பணியில் ஈடுபட்டனர்.

சம்பவ இடத்திற்கு ஈரோடு நாடாளுமன்ற உறுப்பினர் பிரகாஷ் நேரில் சென்று தீயை அணைக்கும் பணியை பார்வையிட்டு உடனடியாக தீயை மற்ற கடைகளுக்கு பரவாமல் இருப்பதற்கான ஏற்பாட்டை செய்யுமாறு அறிவுறுத்தினார். தீயணைப்பு வீரர்கள் சுமார் 2 மணி நேரம் போராடி மற்ற கடைகளுக்கு தீ பரவாமல் தடுத்து அணைத்தனர். எனினும் கடையில் இருந்த சுமார் ரூ.25 லட்சம் மதிப்பிலான பொருட்கள் எரிந்து சேதமாகின. இந்த தீ விபத்து மின் கசிவு காரணமாக நடைபெற்றுள்ளதாக முதற்கட்ட விசாரணையில் தெரிய வந்துள்ளது.

மேலும், தீ விபத்து சம்பவத்தை அடுத்து ஈரோடு - கரூர் செல்லும் சாலையில் போக்குவரத்து பாதிப்பு ஏற்பட்டது. இதுகுறித்து ஈரோடு தாலுக்கா போலீசார் விசாரிக்கின்றனர்.

Read more